Mei Zustand Songtext - Hans Söllner

Es is für mi wahnsinnig schwar worn, daß i aufsteh in da Friah
Und mit Leichtigkeit den Tag überleb.
I hob ma‘s Gsicht no net gscheit gwoschn und merk scho wieda, daß i flenn
Und daß i wieda moi total daneben steh.
I hob des Gfui, daß was passiert is, in mir drin
Aber i konn eich no net sogn wos‘s is.
I muaß mi zwinga, daß i red, daß i arbeitn und geh
I muaß mi zwinga, daß i trink und iß.

I geh auf d‘Strassn naus und i sieg wia ois um mi herum verreckt
Und trotzdem dua i nix dagegn.
I hätt die Kraft, daß i wos dua aba i loss mi geh
Weu i koa Lust hab das i bloß gegn Mauern renn.
I spür den Hass an jeda Eckn, spür die Unzufriedenheit
Des feusche Lacha und die Ehrlichkeit die fehlt.
I hob des Gfui i bin zur feuschn Zeit geborn
Am feuschn Ort, auf da feuschn Welt.

I mecht des ois so gern vagessn oba es geht net und deswegn
Sauf i mi zua damit i an wos anders denk.
Und die paar Stunden, die i rumflak in mei‘m Rausch duan ma so guat
Weil in dem Zuastand net ois so beschissn is.
I reiß ma irgendoane auf daß i heit Nacht net einsam bin
Und woaß genau das i‘s a so bestimmt net schaff.
Aba liaba alloa mit irgendjemand im Arm den i spür
Aba a Nacht die i net wachlieg sondern schlaf.


Aba i woaß, daß i des nimma recht lang moch.
I kann doch net bloß saufn damit i irgendwos vergiß
Oder mi eirauch wei dann bin i bessa drauf.
I hob koan Bock mehr zum Erklären, wo mi doch eh koana versteht
A jeda siecht bloß des in mir was er sehn wui.
Ihr gebts ma überhaupt koa Chance zum Überlebn
I glaub ihr woits ma koane gebn hob i des Gfui.

I geh mein Weg ganz einfach weiter egal wohin er führt
Recht fui Schlimmer kanns net werdn ois‘s eh scho is.
Von Tag zu Tag, merk i, wiads schwara und es strengt mi o
Daß i ma klar mach, daß no andre Sachan gibt.
I dat eich so gern zeigen wia guats ma geht wie glücklich daß i bin
Aba i woaß, ihr dats bloß merken das i liag.
Mia geht‘s net schlecht oba mia fehlt halt einfach schon z‘fui
Wodurch das Leben wieda lebenswerter wird.

I geh ins Blumengschäft und kauf ma an großn Blumenschtrauß
stell ma‘n an Tisch und für an ganz kurzn Moment
wiads wieda farbig in meim Zimma und i merk mia wiad warm
I überleg woher i des Gfui woi no kenn.
I hea di Kinder draußn schrein d‘Sonn geht unter ois is miad
I geh ins Bett und lieg no fui z‘lang wach.
Meine Gedanken stehn im Raum und i hea wias mi fragen
Ob ich den Tog morgn woi no schoff!

• Songtext korrigieren
• Songtext ausdrucken
• Songtext verschicken
• zu Favoriten