kristallnaach Songtext - Bap

Et kütt vüür, dat ich mein, dat jet klirrt,
dat sich irjendjet en mich verirrt,
e Jeräusch, nit ens laut
manchmol klirrt et vertraut
selten su, dat m'r et direk durchschaut
M'r weed wach, rief de Aure un sieht
in em Bild zwesche Breughel un Bosch
kei Minsch, dä öm Sirene jet jitt
weil Entwarnung nur half su vill koss
et rösch noh Kristallnaach

In der Ruhe vürm Sturm, wat ess dat?
Janz klammheimlich verlööß wer die Stadt.
Honoratioren inkognito
hasten vorbei,
offiziell sinn die nit jähn dobei,
wenn die Volksseele allzeit bereit
Richtung Siedepunkt wütet un schreit
»Heil Halali« un grenzenlos geil
noh Vergeltung brüllt, zitternd vür Neid
in der Kristallnaach

Für die alles wat anders ess stührt,
die mem Strom schwemme, wie et sich jehührt
für die Schwule Verbrecher sinn,

en der Kristallnaach.

Währenddessen om Maatplatz vielleich,
unmaskiert, hück mem wohr Jeseech,
sammelt Stein, schlief et Mezz,
op die, die schon verpezz
probt dä Lynch-Mob für't jüngste Jereech.
Un zem Laade nur flüchtig vertäut
- die Galeeren stonn längs unger Dampf -
weet em Hafen op Sklaven jewaat,
op dä Schrott uss dämm ungleiche Kampf
us der Kristallnaach

Da, wo Darwin für alles herhält,
ob m'r Minsche verdriev oder quält
do, wo hinger Macht Jeld ess,
wo stark sinn die Welt ess,
durch Kusche un Strammstonn entstellt
Wo m'r Hymne om Kamm sujar blööß
en barbarischer Gier noh Profit
'Hosianna' un 'Kreuzigt ihn' rööf,
weil m'r irjend ne Vorteil drin sieht
ess täglich Kristallnaach

Mörder, Kristallnaach

Mörder, Mörder, Mörder

Mörder, Kristallnaach

• Songtext korrigieren
• Songtext ausdrucken
• Songtext verschicken
• zu Favoriten