Irjenden Rock'n'Roll Band Songtext - Bap

1) Engk Januar, ne graue Nohmeddaach,
drusse om Meer tob ne Orkan.
Die Bürjersteije sinn noch huhjeklapp,
weil die Saison fängk eez en drei Mohnd ahn.
Ungen ahm Strand litt noch jottweiswat römm,
su ziemlich alles, wat op Wasser schwemmp.
Vun ir`ndwoher hührt mer, wie irjendwer
e Schlaachzeuch stemmp.

Dat kann nit sinn, öm die Zick läuf he nix,
öm die Zick höllt die Insel Luff.
Em Winter weed relaxt un repariert,
em Sommer weed he schon jenooch jeschuff.
Doch vüür dä Villa, die`e Schloß sinn künnt,
steht jetz sick paar Daach ene Truck,
dä als`e ahnkohm he, noch rappelvoll
met Instrumente volljepack.

Refr.
Saat, hätt vun üch schon wer kapiert,
wat dat für Type sinn un wat dodrinn passiert?
Okay, wie`t ussieht halt irjenden Band
die vun uns he noch keiner kennt,
irjenden Rock`n Roll-Band.

2) E paar Daach spääder ess dä Himmel blau,

Refr.
Saat, hätt vun üch schon wer kapiert,
wat dat für Type sinn un wat dodrinn passiert?
Okay, wie`t ussieht halt irjenden Band
die vun uns he noch keiner kennt,
irjenden Rock`n Roll-Band.

3) Meinste, mer sollt ens froore?
Meinste, die löhte uns ens rinn?
Mer dääte och nit stühre,
ahm Engk hilf do ne joode Wing!?
Pass op: Wenn die hück em “Ca`l Patro” sinn,
dann schwaad ich die ens ahn,
ob mer nit morje ens jet hühre künnt,
mer wonnten doch treck nevvenahn.

Refr.
Saat, hätt vun üch schon wer kapiert,
wat dat für Type sinn un wat dodrinn passiert?
Okay, wie`t ussieht halt irjenden Band
( die vun uns he noch keiner kennt )
un wie et schingk noh dämm,
wat mer vun he uss hührt
op jeden Fall en Band, die brennt.
Irjenden Rock`n Roll-Band.
Irjenden Rock`n Roll-Band.
Irjenden Rock`n Roll-Band.

• Songtext korrigieren
• Songtext ausdrucken
• Songtext verschicken
• zu Favoriten